Ginpasaka na sang DSWD sa Red Alert ang national disaster response status bangod sa mabaskog nga epekto sang Habagat sa madamo nga bahin sang Luzon kag Visayas.
Ginpahamtang man sang NDRRMC ang ila disaster response status sa pinakamataas nga lebel ukon Red Alert.
Suno sa PAGASA, magapadayon ang maulan nga panahon sa Luzon kag Visayas, ilabi na sa Western Luzon. Bangod sini, ginpasiguro sang DSWD nga handa ang ila mga field office kag relief resources.
May yara na sang sobra 3.4 milyon ka Family Food Packs kag ₱558.77 milyon nga Quick Response Fund para sa gilayon nga pagbulig sa mga apektado.
Padayon man ang koordinasyon sang DSWD sa mga LGU kag iban pa nga ahensya agud madasig nga mahatagan sang ayuda ang mga pamilya nga apektado sang pagbaha kag paglikas.
Suno sa NDRRMC, 104 ka lokalidad na ang nagdeklara sang State of Calamity bangod sa epekto sang mga bagyo nga Luis, Maymay kag Neneng, nga ginpalala pa sang Habagat.
