Isa kritikal kag anom ang pilason sa naglungtad nga disgrasya sa National Highway, Barangay Palian, Tupi, South Cotabato sang isa ka Fish Car kag Tricycle pasado alas-11 kahapon sang aga, Enero 12, 2025.
Ini ang ginkumpirmar ni PSMGT Rea Luz Gatinao ang tigpamaba sang Tupi PNP sa interbyu sang Bombo Radyo Koronadal.
Ang nasambit nga fishcar may yara sang 5 ka sakay kag pakadto sa Koronadal City apang nag lupok ang ligid sini kag nadulaan sang kontrol amo raosn nga gin araro sini ang tricycle.
Ang mga nalakip sa aksidente sanday:
- Almasri Guiapal y Saadra, 22 years old, single, driver sang fishcar kag wala sang pilas, samtang ang lima Naman ka updanan sini sanday
- Fahad Mohammad y Utto, 36 years old, may asawa ka residente sang Panabo, Sultan Kudarat, Maguindanao Del Norte;
- Mohajirin Bagundang y Kadil, 24 years old, may asawa , residente sang Prk. Islam, Mother Barangay, Cotabato City;
- Saud Makalutang y Saagad, 28 years old, may asawa , residente sang Mother Kalangganan, Cotabato City:
- Johari Mangcao y Adam, 27 years old, may asawa , residente sang Mother Kalanggalan, Cotabato City,
- Haron Guiapal y Saadra, 38 years old, may asawa kag residente man sang Mother Poblacion, Cotabato City
Samtang ang yara naman sa tricycle amo sanday Raul Dolendo y Alvarez, 51 years old, mayasawa, driver sang tricycle, kag mga sakay sini nga sanday
- Jemma Oserio y Alvarez, 56 years old, may asawa, housekeeper kag residente of Prk. 10-a, Poblacion, Tupi, South Cotabato
- Lea Oserio y Moren, 51 years old, may asawa , residente sang Lambuntong, Surallah, South Cotabato
- kag isa ka menor de edad , residente sang Prk. 1, Poblacion, Tupi, South Cotabato.
Dugang pa ni Gatinao, may yara sang isa ka kritikal bangud naka agom ini sang head injury kag tanan naman nga mga pialson yara na sa malapit nga mga balay bululngan kag nabalhin na ang mga imbolbado sa fish car sa Cotabato City.
Kag sa karon, nagapadayon gihapon ang imbestigasyon sa nasambit nga aksidente pati man ang pakig-angot sa mga pamilya sang mga biktima.
Nagapaalinton man si Gatinao sa mga nagabyahe nga mangin mahalong sa pag byahe sang mga salakyan.
