Isa ka karambola sang isa ka tricycle kag duwa ka motorisiklo amo ang Honda Click kag Skygo sa bahin sang Purok Marcos, Brgy. Rotonda, Koronadal City subong nga adlaw Enero 17, 2024, pasado 8:30 sang aga.
Ini ginkumpirmar ni Police Senior Master Sergeant Gandy Basan, Traffic Investigator sa interbyu sang Bombo Radyo Koronadal.
Ginkilala ang isa ka biktima nga nakaagom sang major injury sa iya nga ulo kag sa iya nga kamot amo si John Benedict Isidro, 23 anyos, residente sang Brgy, Topland, Koronadal City.
Sa inisyal nga imbestigasyon, may yara pa sang pipila ka pilason nga ginakilala pa ang mga identity kag ginahibalo pa ang kasamtangan.
Suno sa driver sang tricycle, halin sa Brgy. Rotonda ang Honda click apang bigla nag cutting sa linya ang Motorsiklo nga Honda Click amo ginamaneho ni John Benedict Isidro sa tricycle amo gintunaan sang nag luntad nga aksidente.
Nahibal-an pa nga si Isidro may presensya sang makahululubog nga ilimnon.
Nadangat na man sa balay bululngan ang pipila ka mga biktima nga nakasakay sa motorsiklo sang katapo sang CDRRMO kag BFP.
Sa karon, gina imbestigaran pa sang otoridad kung ano ang gintunaan sang nagluntad nga aksidente kag padayon nga ginakilala ang mga na imbolbar sang nagluntad nga aksidente.
