-- ADVERTISEMENT --
Nagpatuman sang deployment ban ang Department of Migrant Workers (DMW) para sa mga newly hired nga Pilipino sa Iran kag Jordan bangud sang padayon nga tensyon sa Middle East.
Suno kay DMW Secretary Hans Leo Cacdac, ginatugutan ang mga returning OFWs apang indi pa sila makabiyahe subong bangud sirado ang airspace.
Nagpagwa man ang DMW sang Advisory No. 19 (series of 2025) para sa deployment restrictions sa Israel, Iran, Jordan, kag Lebanon.
Ginpahibalo man ang mga OFW kag recruitment agencies nga indi anay mag biyahe pa-Jordan.
May yara na deployment ban sa Israel halin pa sang Hamas attack sang Oktubre 2023. Gintambagan man ang recruitment agencies nga masilotan kon indi magsunod sa ban.
