KORONADAL CITY – Nag-umpisa na ang operasyon sang testing center South Cotabato nga ginakabig nga pinakauna sa bug-os nga Pilipinas nga gintukod pinaagi sa public-private partnership.
Sa interbyu sang Bombo Radyo Koronadal kay Bombo Radyo Koronadal kay South Cotabato Governor Reynaldo Tamayo Jr, ini makaligad nakuha na sang Dr. Arturo P. Pingoy Medical Center ang license to operate sini kahapon, Hunyo 5 kun sa diin mahimo suno pa nga maka-process ang 30 samples sa sulod lamang sang walo ka oras.
Ginahulat man sini ang GeneXpert machine nga ginbakal sang LGU agud makaproseso sang tubtob 90 samples.
Magluwas, mahimo man suno pa nga ma-cater ang mga swab test samples sang iban nga mga probinsya sa rehiyon 12 sa nasambit nga testing center.
Base sa lisensiya nga ginhatag sang Health Facilities and Services Regulation Bureau sang Department of Health (DOH), mangin epektibo ang operasyon sini tubtob sa katapusan sang kasamtangan nga tuig 2020.
