KORONADAL CITY – Ginakabalak-an sang mga medical personnel kag mga health authorities sa Estados Unidos ang pagdamo pa sang mga napagkit nga mga kaso sang covid-19 sa nasambit nga pungsod bangud sa pagbag-o na sang paniempo.
Sa interbyu sang Bombo Radyo Koronadal kay Bombo international Correspondent Peter Jabido, nga isa ka medical personnel sa California apang tumandok sang Koronadal City, lauman suno pa ang pagdamo sang pagsaka sang mga kaso sang covid-19 bangud sa flu season subong nga mga tinion.
Ini bangud tigtulognaw na ang paniempo didto nga sigurado nga magapalala sang sitwasyon sang kaso sang covid-19.
Kaangot sini, nagapanawagan ang gobyerno sa ila mga residente nga magpabakuna ang mga ini batok sa trangkaso.
Sa subong ginapreparahan na ni Gov. Gavin Newsome ang pag-abot sang winter season.
