KORONADAL CITY – Nakaluwas ang isa ka construction worker nga natabaunan sa pagkatiphang sang duta sa nagluntad nga landslide sa gin himo nga proyekto sang DPWH sa National Highway Barangay Takonel, Lake Sebu, South Cotabato pasado alas-9 kahapon sang aga.
Sa interbyu sang Bombo Radyo Koronadal kay Lake Sebu Mayor Floro Gandam, ginkilala ang biktima nga si Jomer aka Samy Samblan, 26 anyos may tiayon kag residente sang Sitio Kolon Hulo, Brgy. Bacdolong sa nasambit nga banwa.
Suno kay Mayor Gandam, bangud sa adlaw adlaw nga pag bubu sang ulan naga humok ang duta nga nangin kabangdanan sang pag ka tiphang sini.
Gani sa natabo nga landslide sa lugar natabunan sang duta ang biktima apang hinali ini nga gin buligan sang kaupdanan sini nga construction worker.
Hinali naman nga gin dangat sa Lake Sebu Municipal Hospital ang biktima kag gin tagaan sang nagakaigo nga medikasyon kag sa subong yara na sa estable ang kondisyon sini.
