KORONADAL CITY-Hugot ang kamanduan sa mga militar sa pila ka parte sang Mindanao ilabi na sa mga Probinsiya nga may presensiya sang New Peoples army nga ipabilin nga yara sa offensive mode matapos ang pagbuyagyag ni PNP Chief Ronald Dela Rosa sa plano sang NPA nga pagpang atake.
Sa interbyu sang Bombo Radyo kay 33rd IB Commanding Officer Lt. Col. Harold Cabunoc ginpahayag sini nga sa subong may yara na sila sang ginapatigayon nga opensiba batuk sa rebelde nga grupo agud nga masiguro ilabi na ang kaluwasan sang mga pumuluyo.
Kaangot sini ginaawhag na lamang sang opisyal ang mga rebelde nga grupo nga magsungka kag magbag-o bangud may ginpreparar na ang lokal nga gobyerno nga livelihood program para sa sin-o man nga magsungka.
Samtang sa subong ginalibot sang opisyal ang mga detachment sang mga suldado kag nagapatigayon sang competent drill agud nga masiguro nga handa ano man nga oras sa posible nga opensiba sang NPA.
Ginpahayag pa sini nga bilang suldado sang banwa handa sila nga atubangon ang sin-o man ilabi na ang paandam sang rebelde nga grupo.
