KORONADAL CITY– Gilayon nga ginbawian sang kabuhi ang isa ka columnist sang Manila Bulettin matapos ini nga luthangon sang ridinag in tandem sa bahin sang Kalanawe II, President Quirino, Sultan Kudarat.
Ginkilala ini nga si Leodoro Diaz nga residente sang Barangay Kalanawe sa nasambit nga banwa.
Sa inisyal nga imbestigasyon sang Sultan Kudarat PNP, 8:40 kaina sang aga sang tambangan sang mga suspek si Diaz sakay sang iya motorsiklo samtang padulong ini sa syudad sang Tacurong agud nga magkuha sang iya nreport.
Sa subong wala pa nagahatag sang impormasyon ang kapulisan sa ila nakit-an nga motibo sa pagpatay sa kolomnista.
Apang suno kay Bombo Radyo Corrspondent Larry Geronio sang Sultan Kudarat kag abyan man sang biktima, madamo ini sang ginasulat sa dyaryo angot sa mga isyu sang droga, kurapsyon kag mangin sa mga anomalya sang Local Government.
