KORONADAL CITY- Padayon ang imbetigasyon sang mga otoridad nagluntad nga pagpalupok sang armas sa tunga sang Christian kag Muslim Farmers sa Columbio, Sultan Kudarat kahapon.
Ginpahayag ni P/SInsp. Bernard Francia, hepe sang Columbio PNP nga ila pa ginahibalo kun sa ano nga grupo ang nagpalupok bangud wala sang nakasaksi sa insidente.
Kaangot sini nagpatigayon man sang deployment sa area ang suldado nga amo ang nagabantay sa sitwasyon agud malikawan nga maglala pa ang kinagamo.
Samtang ang isa sa ginalantaw nga anggulo sa away sang Christian kag Muslim farmers amo 620 ektarya nga duta nga yara sa boundaries sang Columbio, Sultan Kudarat kag Tuluanan, North Cotabato.
Ginpahayag sang opisyal nga suno sa ila imbestigasyon, ang gin-umpisahan sang insidente amo ang pagchainsaw sa kahoy sang Christian Farmers sa teritoryo suno pa sang Muslim Farmers.
Kaangot sini, may yara naman sang ipatigayon nga pagsinapol sa local government units (LGUs) sang Columbio kag Tulunan agud istoryahan kun ano ang mga tikang nga himuon agud indi na maglala pa ang away sa tunga sang magtimbang nga grupo.
