Wala naglawig ang pagtinir sang isa ka Brazilian swimmer sa Paris, France matapos nga ginlapas sini ang pagsulundan paagi sa pagguwa sa Olympic village nga wala nakalisensya sa head sang ila delegasyon.
Ini amo si Ana Carolina Vieira nga kabahin sang women’s 4×100 metre freestyle relay nga nagtapos bilang ika-12 sa heats.
Ginpahayag nga kasunod sang event sa La Defense Arena, siya kag ang iya nobyo nga si Gabriel Santos ang nagdesisyon nga magguwa sa ila ginatiniran nga village sang Hulyo 26 apisar nga wala gid nila napahibalo ang ila teammates ukon ang team leader.
Nadiskubrehan ini sang nag-post sila sa ila nga social media accounts rason nga gin-report mismo sang swimming team sa Brazilian Olympic Committee (BOC).
Gilayon nga nag-desisyon ang BOC para disiplinahon ang duha: “In common agreement with the members of the sport’s Technical Committee, the Team Chief and the Brazilian Aquatic Sports Confederation (CBDA), the COB decided to punish the two athletes for having left the Olympic Village without authorization during the night last Friday.”
Nakabaton sang warning si Santos bangud sa iya ginhimo, apang mas malala ang disiplina kay Vierra bangud ginpa-diretso ini pauli sa Brazil bangud gin-challenge pa sini ang desisyon sang committee sa relay team formation.
