KORONADAL CITY – Hugot nga ginpabulaanan ni South Cotabato Board Member Romulo Solivio ang mga alegasyon nga ginpagwa sang Hukbo.com page
nga siya suno pa ang nagapamuno sa South Central Minadanao angot sa Red October ouster plot batuk kay President Rodrigo Duterte.
Sa interbyu sang Bombo Radyo Koronadal kay BM Solivio, ginpahayag sini nga wala sang kamatuuran ang nagwa nga balita nga isa lang ini ka propaganda batuk sa iya bangud malapit na ang filing sang certificate of candidacy (COC).
Kaangot sini, ginhangkat ni Solivio ang yara sa likod sang Know Your Enemy Chart nga istoryahon sya sang personal kag indi magpanago pinaagi sa pagpalapta sang sala nga impormasyon sa social media.
Nahibauan nga sa Know Your Enemy Chart sang Hukbo.com nagpanguna ang pangalan sang pulitiko sa mga may kaangtanan sa iligal nga droga.
