KORONADAL CITY- Madamo sang anggulo ang ginatutukan subong sang PNP sa nagluntad nga pagsigabong sang bomba sa siyudad sang Koronadal kag pagbilin sang IED sa isa ka establisyemento.
Sa ginpatigayon nga press conference sang PNP, isa sa mga anggulo nga ginalantaw ang posibilidad nga kahimuan ini sang Bangsamoro Islamic Freedom Fighters o (BIFF) base naman sa signature sang mga eksplosibo.
Kasunod sang natabo nga pagsigabong, may yara na sang mga suspek nga natumod ang South Cotabato PNP apang nagpamalibad anay nga hinagdlan ang mga ini.
Samtang, ginpahugtan naman ang mga security checkpoint labi na sa mga borders sang probinsya.
Kadungan sini nagpanawagan naman si South Cotabatao Police Provincial Director Senior Superintendent Nestor Salcedo sa mga pumuluyo nga mangin vigilante sa tanan nga tion matapos ang insidente nga ginkapilas sang 2 ka tawo kag ginkatrauma naman sang 1 pa.
