KORONADAL CITY- Nakabatak sa gihapon ang alerto karon sa bug-os nga probinsya sang Sultan Kudarat ilabi na sa syudad sang Tacurong
matapos ang nana nga pagpasigabong sang Improvised Explosive Device.
Suno kay PSupt. Joefel Siason, hepe sang Tacurong City PNP, natumod na nila ang grupo nga yara sa likod sang hana nga pagpasigabong sang IED sa National Highway sang nasambit nga syudad.
Ginatudlo ang terorista nga grupo na ISIS inspired Bangsamoro Islamic Freedom Fighters nga yara sa likod sang pagbutang sang IED sa kuilid sang madamo sang tawo sang nakaligad nga adlaw kag maswerte nga nadiskubrehan sang isa ka sibilyan kag gilayon nga nadetonate sang Explosive Ordnance Team sang Joint Task Force Talakudong.
Samtang, nagpahanumdom naman ang Sultan Kudarat PNP sa mga iresponsable nga mediamen nga indi na paghadlukon ang mga pumuluyo sa pagpalapta sang fake news angot sa panibag-o naman nga IED nga ginbilin sa syudad sang Tacurong bangud nagtuga lamang ini sang panic.
