Mainit nga gina-istoryahan subong sa social media ang TV host nga si Mariel Padilla matapos maobserbaran sang mga netizens nga wala na sini gina-follow sa isa ka social media platform sanday Angel Locsin kag Anne Curtis.
Gin-alegar nga natabo ini matapos mag-viral ang mensahe ni Angel para sa bana ni Mariel nga si Senador Robin Padilla.
Nagapati man ang pila ka netizens nga nadalahig si Anne bangud nagkomento ini sa post ni Angel sang, “Welcome back Mars, ay Darna pala.”
Madumduman nga ginpahayag ni Angel ang iya pagkadismaya sa pila ka tindog ni Robin Padilla, lakip ang mga isyu sa red-tagging, suporta kay Pastor Apollo Quiboloy, kag ang iya mga pahayag may kaangtanan sa China kag West Philippine Sea.
Sa pihak sini, nagpakigbahin man si Rommel Padilla, utod sang Senador sang post sang isa ka netizen nga nagakritisar kay Angel.
Wala pa sang opisyal nga pahayag sanday Mariel, Angel, kag Anne angut sa ginapahayag nga pag-unfollow sa social media platform.
