KORONADAL CITY – Padayon pa nga ginahibalo sang Lambayong PNP ang identity sang isa ka bangkay nga nagakadunot na nga nasapwan sa bahin sang Barangay Pentiguian, Lambayong, Sultan Kudarat.
Sa impormasyon nga nakuha sang Bombo Radyo Koronadal, posible nga yara sa tatlo ka adlaw na nga yara sa state of decomposition ang nasambit nga biktima nga isa ka lalaki.
Base sa paglaragway sang kapulisan, nakasuksok ini sang itom nga t-shirt, duag nga brown nga belt, may kataason nga 5’5, ginabulobanta nga yara sa edad 30 tubtob 40 ka tuig, medium ang built, may yara sang tattoo sa kamot kag wala nga batiis.
Ginahibalo man sang mga otoridad kun sa ano nga paagi ginpatay ang biktima bangud naghabok suno pa ang lawas sini kag indi na malaragway ang nawong.
Sa subong nakahaya ang bangkay sa isa ka funeral home sa Brgy. San Emmanuel, Tacurong City.
