KORONADAL CITY- Ginapangita na subong ang mga suspek sa brutal nga pagpatay sa isa ka lalaki sa syudad sang Tacurong.
Suno kay Bombo Correspondent Arnel Palada, subong nga aga lang sang masapwan sa isa ka bakante nga lugar sa Prk. Waya-Waya sa Brgy. San Emmanuel, Tacurong City ang bangkay sang lalaki nga wala pa matumod ang identity.
Puno ini sang labo sa iya nga nawong, liog kag mangin sa iya nga batiis kun sa diin mangin ang ulo sini ang nakaangkon man sang malala nga pilas nga halos chop-chop na.
Palatandaan sang nasambit nga bangkay amuh ang nakasuksok ini sang duag itom nga T-shirt nga may yara sang tatak nga “Never Give Up” kag naka gray man ini nga shorts, medyo payat kag may sungi sa iya nga bibig.
Samtang nakuha naman malapit sa crime scene ang isa ka dokumento nga nakapangalan sa isa ka Alman Lucman Bantuas nga residente sang Marawi City.
Sa karun nagapadayon pa ang imbestigasyon sang Tacurong City PNP samtang yara naman sa punerarya ang bangkay sang biktima.
