KORONADAL CITY- Nakatalana nga pagahatagan sang pagkilala ang multicab driver sa banwa sang Norala, South Cotabato nga nagbalik sang nakit-an sini nga pouch nga ginapanag-iyahan sang isa ka senior citizen.
Madumduman nga ang dalayawon nga multicab driver ang ginkilala kay Jerry Galvez nga residente sang Brgy. San Jose, Norala, South Cotabato.
Ginbalik sini ang P45,000 nga balor sang kwarta nga nabilin sang isa ka Teresita Falcis nga isa ka senior citizen kag residente sang Brgy. Kolambog, Isulan, Sultan Kudarat.
Samtang suno naman kay Norala, South Cotabato Councilor Gary Sioquim, nagakadapat nga mahatagan sang pasidungog si Galvez bangud isa siya ka maayo nga ehemplo sa mga pumuluyo bangud sa pagkatampad kag wala pag interes sa kwarta nga ginapanag-iyahan sang iban.
Magapakig-angot naman si Councilor Sioquim sa alkalde sang Norala nga si Mayor Clemente Fedoc agud nga mahatagan sang pagkilala ang nasambit nga multicab driver.
