Nagpaandam si courtside reporter Apple David sa mga netizens nga mahimo siya maghimo sang legal nga aksyon bangud sang mga komento nga ila gin-post online.
Sa iya social media post, nagpaambit si David sang iya laragway kaupo ang isa ka abogadokag may caption nga “We are now heading to the exciting part.”
Ginpaandaman na ni David nga ang tanan nga naga-post sa social media, personal man ukon dump account, sakop sang layi kag mahimo matultolan ukon ma-trace.
Ginpahayag pa niya nga ulihi na agud i-delete ang mga komento kag makita niya ang pila sa mga nag-post sini sa ulihi.
Ginpaandam man niya ang mga netizens nga maghalong.
Samtang, naglapta online ang mga komento nga nagaangot sa relasyon ni David kay Letran basketball player nga Chad Gammad.
Nangin sentro ini sang diskusyon bangud sa ila ginapatihan nga dako nga diperensya sa edad kun sa diin nagaedad si sang 33 anyos, samtang si Gammad nag-18 anyos sang Oktubre 2025.
Sa karon, wala pa ginpahayag ni David kun ano mismo nga legal nga tikang ang iya pagahimuon batok sa mga nag-post sang mga komento online.
