Ginpabakod sang Appeals Chamber sang International Criminal Court (ICC) ang nauna nga desisyon sang Pre-Trial Chamber I nga nagasiling nga may hurisdiksyon ang ICC sa kaso sang anay Presidente Rodrigo Duterte nmay kaangtanan sa mga kaso sang crimes against humanity.
Nagakahulugan ang nasambit nga ruling nga magapadayon ang mga proceedings sa kaso ni Duterte, lakip na ang pag-usisa sang desisyon sang Pre-Trial Chamber (PTC) I.
Sa desisyon sang PTC I, mahibaluan kun kumpirmahon ang mga kaso nga ginpasang-at batok kay Duterte.
Kun ma-confirm, ipasa ini sa Trial Chamber para sa masunod nga proseso.
Samtang, ginbasura sang mga hukom ang tanan nga apat ka grounds nga gin-apelar ni Duterte.
Ang desisyon ginbasa subong nga hapon sa open court sa The Hague, Netherlands.
Ang mga hukom nga nagboto sa desisyon amo sanday Judge Luz del Carmen Ibáñez Carranza (Peru), Judge Solomy Balungi Bossa (Uganda), Judge Gocha Lordkipanidze (Georgia), Judge Tomoko Akane (Japan), kag Judge Erdenebalsuren Damdin (Mongolia).
