KORONADAL CITY– Nagresulta sa kamatayon sang isa ka drug surrenderee ang ginpatigayon nga operasyon kontra sa iligal nga droga sang Lambayong PNP sa Prk. 4 Brgy. Kabulakan, Lambayong Sultan Kudarat makaligad magbato ini sa mga otoridad sa tunga sang operasyon.
Suno sa Lambayong PNP, ang suspek ang ginkilala nga si Kle Bula, 35 anyos nga residente sang Brgy. Madanding sang nasambit nga banwa kun sa diin una na ini nga nagsungka sa Oplan Tokhang sang PNP apang liwat nga nagbalik sa bisyo sang pag-usar kag pagduso sang iligal nga droga rason nga ginpatigayunan sa liwat ini sang operasyon.
Nahibaluan nga sang ginpatigayon ang drug buy bust operation nakamutik suno pa ang suspek nga mga pulis ang iya katransaksyon rason nga nagbato ini pinaagi sa paghaboy sang granada.
Gilayon naman ini nga na neutralize sang kapulisan kag maswerte na lang nga wala sang napilasan sang ginhaboy sini ang granada nga maswerte naman nga wala naglupok.
\
Kaangot sini narekober naman sang Lambayong PNP ang isa ka armas luthang, pila ka pakete sang shabu kag mga karnap nga motorsiklo.
