Malipayon nga ginkumpirmar sang vlogger-actress nga si Alex Gonzaga ang mga espekulasyon bahin sa iya pagdala paagi sa isa ka emosyonal nga video nga iya ginpaambit sa social media.
Sa video, una nga ginpakita si Alex kag ang iya bana nga si Mikee Morada nga nagaistorya bahin sa mabudlay kag masakit nga ila naagyan matapos ang tatlo ka miscarriage.
Sa masunod nga bahin sang video, ginpakita ang sonogram sang ila ginapaabot nga bata nga naghatag sang dako nga kalipay sa ila mga fans kag supporters.
Makita man sa video ang kalipay sang mag-asawa samtang ginapakita ni Alex ang iya baby bump kaupod si Mikee.
Nagpasalamat man ang mag-asawa sa tanan nga nag-ampo, nagsuporta, kag nag-upod sa ila sa ila journey bilang pamilya.
Suno kay Alex, padayon nila nga ginapasalamatan ang Ginoo sa grasya kag bendisyon nga ila nabaton matapos ang pila ka tuig nga paghulat kag pagpangamuyo.
Nag-umpisa ang mga espekulasyon bahin sa pagdala ni Gonzaga matapos ang iya misteryoso nga social media post sang Easter Sunday, Abril 5 sini nga tuig. Madamo nga netizens ang nakakita sang iya mensahe nga nagaangot sa “little life” antes niya ini gin-edit.
Madumduman nga tatlo ka beses nakaagom sang miscarriage si Gonzaga, kag Disyembre 2024 ang pinakaulihi sini nga masakit nga eksperyensya sang mag-asawa.
Ginkasal Morada kag Gonzaga sa isa ka private civil wedding sang Nobyembre 2020 kag ginsapubliko lamang ang ila kasal sang Enero 17, 2021.
