Emosyonal nga ginbalikan sang isa ka ginikanan ang kamaayo kag mga handumanan sang iya bata nga isa sa mga nautasan sang kabuhi matapos ang magnitude 7.8 nga pagtay-og sa Southern Mindanao sang nagligad nga Lunes.
Sa exclusive interview sang Bombo Radyo Koronadal, ginpahayag ni Van Mendoza, amay ni Shyn Kate Mendoza, nga nacontact pa sang ila pamilya ang iya bata sa tion sang pagtay-og kag ginpasiguro sila nga yara ini sa maayo nga kahimtangan.
Apang suno kay Mendoza, pila lamang ka minuto ang nagligad sang mabaton nila ang makalilisang nga balita nga isa si Shyn Kate sa mga natrap sa narumpag nga Savemore building sa General Santos City.
Samtang nagatalalangison sa pagkawala sang iya bata, ginpabutyag man ni Mendoza ang iya pagkadismaya sa kakulangan sang madasig nga pagaksyon sang rescue operations para sa mga natrap sa sulod sang building.
Apang nainditindihan man ni Mendoza ang rescue measures nga kinahanglan chekyaron sa tion sang kalamidad, ginpabutyag niya nga kuntani madasig lang nga narescue ang iya bata, may posibilidad nga naluwas pa ini halin sa insidente.
Samtang, apisar sa natabo, nagapasalamat ang pamilya sa bulig-pinansyal sang iban nga ahensya sa ila pamilya kag nagpanawagan sang dugang nga suporta halin sa national nga gobyerno.
