KORONADAL CITY -Nagapadayon ang pagpangita sa subong sa isa ka Barangay Kapitan kag ABC President sa banwa sang Tboli, South Cotabato samtang gin aristar naman ang live in partner sini sa gin patigayon nga anti-illegal gambling operation sang mga otoridad sa Purok Centro, Barangay Desawo sa nasambit nga banwa.
Ginkilala sang Tboli PNP ang opisyal nga si Brgy. Kapitan Joen Fagalas, sang Brgy. Desawo nga isa man ka ABC President.
Ginpahayag ni Police Col Jemuel Siason, provincial director sang South Cotabato, nga ginreport sa police station suno pa amng pag tililipon sang mga tao sa sabungan nga gin organisar mismo sang barangay gani gin padulungan sang mga ini kag didto nga naaktuhan ang bulang. Sa baylo nga igadayon nagpalagyo ang mga tao sa sabungan sang namutikan ang presensya sang mga otoridad apang naabtan naman sa lugar ang live-in partner sang kapitan nga si Jane Villanueva.
Nahibaluan nga sa compound mismo sang Kapitan nga siya man ang organizer sa gin patigayon nga illegal nga bulang.
Suno sa mga impormasyon, madugay suno pa nga ginpatigayon ni Fagalas ang ilegal nga hilikuton.
Narekober naman sa lugar ang 14 nga buhi kag 11 ka patay nga mga gin bulang nga mga manok kag mga gamit pang bulang.
Bangud diri, nagapanawagan ang Provincial Director kay Kapitan Fagalas nga atubangon ang kaso sa ginhimo sini.
