Nagahingyo ang legal team ni anay Pangulong Rodrigo Duterte sa International Criminal Court (ICC) nga indi pagbatunon ang testimonya sang isa ka importante nga testigo sang prosecution sa kaso nga nagasangkot sa iya.
Sa petisyon nga ginpasang-at sang Nobyembre 18, ginpangabay sang depensa sa ICC Trial Chamber nga ibasura ang hingyo sang prosecutors nga batunon bilang ebidensya ang pahayag sang witness nga ginakilala sa codename nga P-0002.
Ginapahayag sang legal team nga wala napamatud-an sang prosecution nga kwalipikado ang nasambit nga saksi sa paghatag sang testimonya.
May yara man sang pagduha-duha sa kredibilidad sini bangud sa ginasiling nga pagka-angot kag paglain-lain sang iya mga pahayag.
Ginkuwestiyon man sang depensa ang impormasyon nga ginasaligan sang testigo, nga suno sa ila, naghalin lamang sa mga indibidwal kag wala nasuportahan sang dokumento ukon iban pa nga ebidensya.
Madumduman nga ginapasakaan sang kaso si Duterte may kaangtanan sa mga pagpatay sa idalom sang iya kampanya kontra iligal nga droga.
Nakatalana naman sa Nobyembre 30 ang sunod nga hearing, kun sa diin ginapaabot nga magapresentar ang prosecution sang lima ka testigo.
Magsugod naman ang winter break sang korte sa Disyembre 18.













