Isa ka talagsahon kag makatilingala nga man-og ang nadiskubre sang mga wildlife rangers sa Australia matapos makita nga may tatlo ini ka mata, lakip ang isa nga yara mismo sa tunga sang iya ulo.
Ang talagsaon nga reptilya ginhingadlan nga “Monty Python,” nga ginabulubanta mga tatlo pa lamang ka bulan ang edad sang nakita ini sang mga rangers.
Sa una, ginhunahuna sang mga eksperto nga posible resulta ini sang duha ka ulo nga wala nagbulag sang husto samtang nagadevelop ang sapat.
Apang, base sa X-ray examination, natukiban nga may kaugalingon gid ini nga puwesto para sa ikatlo nga mata.
Mas makatilingala pa, ginpakita sang X-ray nga nagagana man ang ikatlo nga mata sang sawa.
Daw may sobra nga mata sa pagtan-aw ang reptilya, pero indi ini nangin garantiya nga malawig ang iya kabuhi.
Suno sa mga rangers, maluya na ang man-og sang ila ini nakita kag may problema man sa pagkaon.
Apisar pa sang ila mga obserbasyon, wala nagdugay kag napatay man ang talagsahon nga sapat.
Apisar malip-ot lamang ang kabuhi ni Monty Python, nagbilin ini sang isa ka makatilingala nga istorya sa kalibutan sang wildlife kag nagpakita sang kaangay ka lain-lain nga porma sang kabuhi sa kinaiyahan.













