-- ADVERTISEMENT --

Nagpahayag sang pagkabalaka ang kampo ni Vice President Sara Duterte matapos makabaton ang bise presidente sang mensahe sang pagpangayo bulig kag pagsalbar halin sa account sang isa ka anay household staff sang Nobyembre 16, 2026.

Suno kay Atty. Paolo Panelo, legal spokesperson ni Duterte, nag-abot ang mensahe pasado alas-11:19 sang gab-i kag nagasiling nga ginakustodiya suno pa sang pila ka indibidwal sa Manila ang anay empleyado matapos ginhambalan nga may pamahog sa iya kabuhi.

Ginapugos man suno pa ini nga magpirma sang dokumento nga iya ginbalibaran.

Apang, tubtob subong wala pa makumpirma ang iya eksakto nga lokasyon kag kahimtangan.

Ginkumpara ni Atty. Panelo ang insidente sa natabo kay Jefry Tupas sang Setyembre 29, 2026, nga suno sa iya, may kaangtanan man sa alegasyon sang pagpamahog kag pagdala sa Manila.

Gin-akusaran man sang kampo ni Duterte ang administrasyon nga ginagamit suno pa ang mga ahensya sang gobyerno agud magpugos sang mga tawo nga mangin testigo kontra sa bise presidente.

Kaangot sini, nagapanawagan si Atty. Panelo sa publiko kag sa mga ahensya nga hatagan sang gilayon nga atensyon ang insidente kag masiguro ang kaluwasan kag kahilwayan sang anay empleyado.