-- ADVERTISEMENT --

May bag-o na nga identidad ang women’s national basketball team sang Pilipinas matapos pormal nga ipahibalo ang bag-o sini nga ngalan nga Gilas Hiraya.

Ginlunysar ang bag-o nga ngalan sang Sabado, Nobyembre 14, sa pagpanguna sang Samahang Basketbol ng Pilipinas (SBP) kag University Athletic Association of the Philippines (UAAP).

Ang ngalan nga “Hiraya” nagakahulugan sang pagtuman sang handum kag paglaum sang isa ka tawo.

Ginpili ini agud mahatagan sang kaugalingon nga identidad ang women’s basketball team kag indi lamang magsunod sa branding sang men’s national team.

Suno sa SBP, importante nga may kaugalingon nga ngalan ang hubon agud mapalig-on ang ila identidad kag makabuo sang kaugalingon nga direksyon kag handum sa patag sang basketball.

Antes mangin Gilas Hiraya, una nga nakilala ang women’s national team bilang Perlas Pilipinas halin 2005 tubtob 2019, antes gin-ilisan sang Gilas Pilipinas Women.

Ginsugdan pa ang pagplano sang pagbag-o sang ngalan sang nagligad nga tuig, paagi sa mga pagpakigpulong sang SBP, UAAP kag mga opisyal sang FIBA.

Paagi sa bag-o nga ngalan, ginapaabot nga mas mapabaskog ang pagkilala sa kababaihan sa Philippine basketball kag mas mapalapad ang ila kaugalingon nga legacy sa international competitions.