Nagpasidungog si Catherine, Prinsesa sang Wales ukon mas kilala bilang Kate Middleton, sa iya yumaong ugangan nga si Prinsesa Diana paagi sa pagsuksok sang mga alahas nga anay iya ginapanag-iyahan sa isa ka harianon nga seremonya sa London.
Sang Nobyembre 8, nagtambong si Kate kaupod ang iban nga mataas nga katapo sang harianon nga pamilya sa National Service of Remembrance sa Cenotaph, kun sa diin naghalad sang mga korona sanday Haring Charles III kag Prinsipe William agud dumdumon ang mga nag-alagad kag nagpatay sa militar.
Samtang nagatan-aw sang seremonya kaupod ni Reyna Camilla halin sa balkonahe, nagsuksok si Kate sang itom nga bayo kag Pearl and Diamond Drop Earrings nga anay regalo kay Diana sang London-based nga kompanya sang alahas nga Collingwood antes ang iya kasal sang 1981 kay Charles.
