May mga indibidwal nga natiketan sa syudad sang Koronadal bangud sa paglapas sa mga ordinansa batok sa illegal dumping, littering, kag pagpanigarilyo ukon paggamit sang vape sa mga ginadumilian nga lugar.
Ini ang ginkumpirmar ni Engr. Abril Ma. A. Lebanan, Supervising Environmental Management Specialist sang City Environment and Natural Resources Office (CENRO), sa interview sang Bombo Radyo Koronadal.
Suno kay Engr. Lebanan, may yara sang garbage collection vehicles ang tagsa ka barangay agud masiguro ang regular nga pagkolekta sang basura.
Apang gin-insister niya nga responsibilidad gihapon sang kada pumuluyo ang paglimpyo kag husto nga pag-segregate sang ila basura antes ini kolektahon.
Gindugang pa niya nga kinahanglan ang kooperasyon sang publiko agud mapabilin nga matinlo ang palibot sang syudad.
Sa karon, nagapadayon ang monitoring, assessment kag pagkolekta sang basura sang CENRO sa mga sementeryo.
