Nagapakita sang wala sang tupong kag wala sang katapusan nga paghigugma sang Diyos sa katawhan ang kamatayon ni Hesus sa krus.
Ini ang mensahe ni Most Rev. Cerilo Casicas, DD, Bishop of the Diocese of Marbel, sa misa nga ginpatigayon sa public cemetery sang syudad sang Koronadal bilang kabahin sang pagselebrar sang All Souls’ Day sini nga Nobyembre 2.
Suno kay Most Rev. Casicas, ang sakripisyo kag kamatayon ni Hesus amo ang pamatuod sang dako nga paghigugma sang Diyos sa tagsa ka tawo.
Dugang pa niya, bisan pa sa nagkalain-lain nga problema kag kabudlayan nga gin-atubang sang kalibutan, importante nga indi madula ang paglaum kag padayon nga magsalig sa paghigugma sang Diyos.
Ginpahanumdom man sini sa mga tumuluo nga ang paghigugma sang Diyos nagapabilin sa tanan nga tion kag wala sang katapusan.
