Target sang prosecution team nga matapos ang impeachment trial kay Vice President Sara Duterte antes ang paskwa, gani posible nga magalab-ot pa sa Nobyembre ang trial kon matapos sang defense team ang ila presentation of evidence sa sulod sang 10 ka trial days.
Suno kay Batangas 2nd District Representative Gerville Luistro, lead prosecutor sang Kamara, magahingyo ang depensa sang 10 full trial days agud mapresentar ang ila ebidensya batok sa impeachment article nga may kaangtanan sa alegasyon sang unexplained wealth.
Ini na lang ang nabilin nga kaso matapos nga ginbawi sang piskalya ang tatlo pa ka mga reklamo may kaangtanan sa ginaalegar pag-abuso kay Presidente Ferdinand Marcos Jr., paggamit sang confidential funds kag pagpangsuhol sa mga opisyales sang Department of Education.
Apang, posible nga maglawig pa ang trial tubtub sa Disyembre kun kinahanglan sang depensa ang dugang nga tion, lakip na ang pagrepaso sang mga ebidensya sang mga senador-judges antes maghimo sang desisyon.
Magapadayon ang trial sa Nobyembre 9 tubtob 13 kag sa Nobyembre 19, 20, 23 kag 30.
Ginpahayag ni Luistro nga ginapalawig niya ang proseso nga matapos antes ang paskwa agud nga may katapusan ang impeachment proceedings.
