Nagpahayag si anay presidential spokesperson Harry Roque sang pagduha-duha nga tugutan sang International Criminal Court (ICC) ang hangyo sang prosekusyon nga batunon ang mga narekord nga testimonya sang duha ka testigo batok kay anay President Rodrigo Duterte nga wala sila nag-agi sa cross-examination.
Suno kay Roque, importante nga mahatagan ang kampo ni Duterte sang kahigayunan nga usisaon kag kuwestiyunon ang mga pahayag sang mga testigo, ilabi na bangud may kaangtanan ini sa mga alegasyon sang crimes against humanity nga nagalambigit sa kampanya kontra droga.
Ginbabulubanta ni Roque nga may 80 porsiyento nga posibilidad nga indi pagpasugtan sang korte ang amo nga hingyo sang prosekusyon.
Ginbatuan man sang defense team ni Duterte, nga ginapangunahan sang British lawyer nga si Peter Haynes, ang paninguha nga magamit ang mga testimonya bisan wala nagatambong ang mga testigo sa mga hearing sang ICC Trial Chamber III.
Ginpaathag ni Roque nga paagi sa cross-examination, mahimo matalupangdan ang mga pagkasumpaki sa mga pahayag kag mabalanse ang kredibilidad sang mga testigo.
Apisar sini, ICC gihapon ang magadesisyon kon batunon ang mga nairekord nga testimonya bisan wala sang cross-examination, suno sa mga reports kag proseso sang korte.
