Ginhatagan ni US President Donald Trump sang duha ka kapilian ang Iran agud untatan na ang nagapadayon nga inaway sa tunga sang duha ka pungsod.
Suno kay Trump, mahimo nga magpatigayon liwat ang Estados Unidos sang pag-atake batok sa Iran ukon mag-abot sa isa ka kasugtanan nga magatapos sa inaway.
Apang, wala pa ginpat-od sang presidente kon san-o posible matabo ang isa pa ka operasyon militar batok sa Iran.
Gindugang man ni Trump nga mas maayo nga solusyon ang pagpakig-angot kag paghimo sang kasugtanan agud malikawan ang dugang nga pag-inaway kag permanente na nga matapos ang komprontasyon.
Sa pihak sini, wala pa kasiguruhan kun preparado ang Iran nga magbaton sang negosasyon kag magkasugtanan sa Estados Unidos.
Madumduman nga sang nagligad nga mga adlaw, nagpabutyag si Trump sang posibilidad nga liwat nga maglunsyar ang ila pwersa sang mabaskog nga pag-atake batok sa Iran kon indi masolusyunan ang krisis paagi sa kasugtanan.
