Nanawagan si Ramil Isogon, Bombo International News Correspondent sa The Hague, Netherlands, sa publiko nga tutukan kag bantayan ang mga pag-uswag sa kaso ni anay Presidente Rodrigo Duterte sa International Criminal Court (ICC).
Sa interview sang Bombo Radyo Koronadal, ginpahayag ni Isogon nga importante nga mangin mabinantayon ang publiko sa mga nagakatabo sa ICC, ilabi na sa mga proseso nga may kaangtanan sa kaso nga ginapa-atubang sa anay pangulo.
Suno kay Isogon, nagalaum siya nga mahibaluan na sang publiko ang dugang nga impormasyon kag ang estado sang kaso ni Duterte, lakip ang posibilidad nga mapagwa na ang desisyon tuhoy sa iya sitwasyon.//Dugang pa niya, may mga tawo sa The Hague nga nagasuporta sa pagpagwa kay Duterte kag nagalaum nga matapos na ang kaso batok sa anay presidente.
Ginpahayag man ni Isogon ang iya paglaum nga kon matapos na ang kaso kag makagwa si Duterte, makapadayon na ang mga Pilipino sa pag-uswag kag pagbag-o sang pungsod.
