Ginpanindugan ni Justice Secretary Fredderick Vida sang Miyerkules nga yara pa sa Pilipinas ang gambling tycoon nga si Charlie “Atong” Ang, base sa rekord sang Bureau of Immigration.
Ini matapos ginpahayag ni Interior Secretary Jonvic Remulla sang nagligad nga adlaw nga nakagwa na kuno sa pungsod si Ang paagi sa ginatawag nga “backdoor” ukon mga alternatibo nga ruta sa pagguwa sang Pilipinas.
Sa isa ka interview sa mga reporter, ginpahayag ni Vida nga wala siya sang ihibalo kon diin naghalin ang impormasyon ni Remulla tuhoy sa ginapahayag nga pagbiya ni Ang sa pungsod.
Gindugang sang kalihim nga kabaliskaran sa pahayag ni Remulla, ginapakita sang rekord sang Bureau of Immigration nga yara pa sa Pilipinas si Ang.
Sa karon, wala pa naghatag si Vida sang dugang nga detalye tuhoy sa posible nga nahamtangan sang gambling tycoon.
