Nagtaliwan sa edad nga 56 ang singer-songwriter kag Broadway composer nga si Duncan Sheik, nga nangin bantog sa iya 1996 nga hit nga “Barely Breathing,”.
Ginkumpirmar sang iya kampo ang iya kamatayon matapos ginreport nga naospital kag gin-confine sa intensive care unit sa New York City. Wala gilayon ginbuyagyag sang iya pamilya ang kabangdanan sang iya kamatayon.
Magluwas nga isa ka musikero, si Sheik nadumduman bilang isa ka amay, utod kag maayo nga abyan.
Ang iya self-titled debut album sang 1996 nakalab-ot sang bulawan nga rekord sa Estados Unidos, samtang ang “Barely Breathing” nakakuha sang nominasyon sa Grammy.
Nakalab-ot sia sang mas daku nga kadalag-an sa Broadway paagi sa “Spring Awakening,” sa diin nagbuligay sia kay Steven Sater.
Nagdaug sia sang duha ka Tony Awards kag isa ka Grammy Award para sa musika. Ang palagwaon nangin instrumento man sa pag-uswag nanday Lea Michele kag Jonathan Groff, nga nalakip sa orihinal nga mga katapo sang cast.
