Nagsaka sang 2.2% ang presyo sang krudo kag ang Brent crude naglapaw sa USD100 kada baril bangod sang nagapadayon nga tensyon sa tunga sang Estados Unidos kag Iran.
Ang WTI naman nagsaka sang 1.5% kag naglab-ot sa USD94.50 kada barrel.
Suno sa Iranian Revolutionary Guard Corps (IRGC), gin-target sang ila naval forces ang duha ka barko sang US kag walo ka oil tanker sa Persian Gulf bilang sabat sa gin-angkon nila nga pag-atake sang US sa lima ka Iranian oil tanker.
Nagapadayon ang tensyon sa duha ka pungsod bisan pa may kasugtanan nga ginpatunga sang Pakistan kag Qatar para tapuson ang hostilities kag buksan liwat ang Strait of Hormuz.
Ang indi pagsinabtanay parte sa sanctions kag pagbiyahe sang mga barko nagapadayon gihapon kag nagapabaskog sang kabalaka sa global energy market.
