Nagtaliwan na ang kasamtangan nga Miss Austria nga si Lucia Sisic sa edad nga 22 anyos.
Ginkumpirma sang organisasyon nga yara sa likod sang Miss Austria pageant ang makasusubo nga balita.
Ginpahayag sang Mission Austria ang pagpanaw ni Sisic kag ginpaabot man ang ila pagpakig-unong sa pamilya, mga abyan, kag tanan nga nagasuporta sa beauty queen.
Si Lucia Sisic may yara sang heart valve defect ukon problema sa valve sang iya tagipusuon halin pa sang iya pagkabun-ag.
Bangud sa sini nga kondisyon, makapila ka beses na siya nga nagpaidalom sa mga operasyon kag nagbaton sang nagkalain-lain nga pagpabulong para sa iya problema sa tagipusuon.
Ang iya pinakaulihi nga operasyon sa tagipusuon ginhimo sang 2025.
Bisan pa sa mga pagtilaw kag kabudlayan nga iya naagyan bangud sa iya kondisyon, padayon gihapon si Sisic sa iya mga responsibilidad bilang beauty queen.
Madumduman nga nagdaog si Lucia Sisic bilang Miss Austria sang 2024.
Halin sang iya pagdaog, wala pa ginpatigayon ang sunod nga Miss Austria pageant, gani nagpabilin siya bilang kasamtangan nga nagadala sang titulo.
