Mahimo gihapon nga mag-atubang sang kaso si Senador Alan Peter may kaangtanan sa ginaalegar nga anomalya sa Philippine Southeast Asian Games Organizing Committee ukon Phisgoc sang nag-host ang Pilipinas sang 2019 Southeast Asian Games (SEA Games).
Suno kay National Bureau of Investigation (NBI) Director Melvin Matibag, sa masunod nga mga adlaw ila irekomendar ang pagsaka sang kaso batok sa pila ka anay miyembro sang Phisgoc Board of Trustees.
Bangusd nga si Senador Alan Peter ang chairman sang Board of Trustees sang amo nga organisasyon, ginpahayag ni Matibag nga posible nga madalahig siya sa kaso.
Apang wala na naghatag sang dugang nga detalye si Matibag kun ano nga mga kaso ang posible nga ipasaka batok sa senador kag sa iban pa nga mga opisyal sang Phisgoc.
Padayon naman ang imbestigasyon sang NBI sa ginapahayag nga mga anomalya agud mahibaluan kun sin-o ang mga responsable kag mapanabat sa mga alegasyon nga may kaangtanan sa pagdumala sang 2019 SEA Games.
