Patay ang pito ka indibidwal sa isa ka Israeli airstrike sa southern Lebanon, suno sa Prime Minister sang Lebanon, sa isa sa pinakamadugo nga pag-atake halin sang ginpahayag nga kasugtanan para mapanubo ang tensyon sang Hunyo.
Gintamaan sang airstrike ang isa ka balay sa guwa sang Ansar, Nabatieh district, pasado alas-4:30 sang kaagahon.
Suno sa state-run news agency sang Lebanon, tatlo sa mga napatay ang kabataan kag duha ang kababayen-an.
Suno sa Israeli military, ila ginigo ang gin-akusahan nga “Hezbollah terror infrastructure” bilang sabat sa ginpahayag nila nga una nga aksyon batok sa ila mga soldado.
Samtang, duha pa ka indibidwal ang napatay kag siyam ang napilasan sa isa pa ka serye sang airstrike sa Deir al Zahrani.
Ginkondena ni Lebanese Prime Minister Nawaf Salam ang pag-atake kag ginpahayag nga indi “military infrastructure” ang mga sibilyan nga napatay.
Ginpanawagan niya sa Israel nga untatan ang pag-escalate sang sitwasyon.
Ang June ceasefire framework nagapanawagan sa Hezbollah nga mag-disarm, sa Israel nga amat-amat nga mag-withdraw halin sa southern Lebanon, kag sa Lebanese army nga mag-deploy sa amo nga lugar.
Ginalauman nga magahimo sang ika-walo nga round sang negotiations ang Lebanese kag Israeli negotiators sa Septyembre.
