Nagapadayon ang hulga sang mabaskog nga ulan sa dako nga bahin sang pungsod tubtob sa Dominggo, Hulyo 26.
Base ini sa heavy rainfall outlook sang state weather bureau bangud sang Severe Tropical Cyclone Kiyapo kag sang Southwest Monsoon ukon Habagat.
Ginapaabot ang 100–200 mm nga ulan sa Batanes, Cagayan, Apayao, kag Ilocos Norte.
Samtang 50–100 mm naman nga ulan ang ginapaabot sa Isabela, Kalinga, Abra, Benguet, Ilocos Sur, La Union, Occidental Mindoro, Palawan, Antique, Iloilo, Guimaras, kag Negros Occidental.
Halin buwas tubtob Dominggo, Hulyo 26, ginapaabot nga makabaton sang katamtaman tubtob mabaskog nga ulan (50–100 mm) ang mga probinsiya sang Bataan kag Occidental Mindoro.
Ang sini nga mga lugar maapektuhan sang mga pag-ulan nga dala sang Bagyong Kiyapo kag sang Habagat.
Posible nga magpadayon ang sini nga mga pag-ulan sulod sang pila ka oras, nga mahimo magresulta sa pagbaha kag sunod-sunod nga landslide, labi na sa mga mabukid nga lugar.
