Ginkumpirmar sang National Capital Region Police Office (NCRPO) nga may apat ka grupo nga nagaplano magpatigayon sang hublag-protesta sa ikalima nga State of the Nation Address (SONA) ni President Ferdinand Marcos Jr.
Suno kay NCRPO spokesperson Major Hazel Asilo, ginapinal na sang kapulisan ang mga rally sites base sa mga permit nga maaprubahan kag sa ginapaabot nga kadamuon sang mga partisipante.
Ginpahayag niya nga ang apat ka grupo nga nagpangayo sang rally permits halin sa Quezon City, apang wala pa niya ginhingadlan ang mga organisasyon.
Samtang, gin-anunsyar na sang Philippine National Police (PNP) nga magadeploy ini sang masobra 20,000 ka police personnel para sa seguridad sa adlaw sang SONA.
Padayon man ag preparasyon sang NCRPO ang mga dalan nga temporaryo nga sirad-an, lakip ang palibot sang Batasang Pambansa, EDSA Shrine, Commonwealth Avenue, Quezon Avenue, kag Katipunan Avenue.
