-- ADVERTISEMENT --
Nagpahayag sang kabalaka si National Security Adviser Secretary Eduardo Oban Jr. sa pahayag sang pila ka Chinese scholar nga nagapahayag nga ang Batanes kabahin sang ila teritoryo.
Ginpanindugan ni Oban nga ang Batanes kabahin sang Republika sang Pilipinas kag wala ini sing pagduhaduha.
Ginpahayag niya nga ang 2016 Arbitral Ruling isa ka importante nga pahinumdom sa pagpanalipod sang teritoryo sang pungsod kag sang mga Pilipino.
Suno sa iya, indi pagapasugtan sang gobyerno ang paglapta sang wala sing basehan nga mga pahayag nga gamiton sa pagkuwestyon sang klaro nga teritoryo sang Pilipinas.
Gindugang ni Oban nga ang Batanes yara sa Pilipinas kag magapabilin ini nga kabahin sang Republika.
