Ginpaidalom sa kustodiya sang mga otoridad sang Lunes sanday anay Anakalusugan Party-list Rep. Michael “Mike” Defensor kag negosyante nga si Joseph Varias Espiritu matapos magpagwa sang warrant of arrest ang Sandiganbayan Third Division kaugnay sang kaso nga plunder nga may kaangtanan sa ginaalegar nga P75 million nga wala gindeklara nga campaign contribution.
Sa Ginpahayag ni Interior Secretary Jonvic Remulla nga naarestar ang duha sa sulod sang isa ka coffee shop sa Quezon City kag gilayon nga gindala sa Sandiganbayan para sa return of warrant antes ginpaidalom sa booking process sang PNP-CIDG.
Apang ginpahayag ni Defensor sa isa ka social media post nga wala sila gin-aresto sa baylo boluntaryo nga nagsungka sa mga otoridad, kag gindugang niya nga wala sang basehan ang kaso kag ini may kaangtanan sa iya mga pahayag batok sa ginpahayag nga flood control projects.
Nauna na nga nagpagwa sang warrant ang Sandiganbayan batok kanday Defensor, Joseph Espiritu, Senator Rodante Marcoleta, kag Aristotle Baluyut Viray kaugnay sang kasubong nga kaso may kaangtanan sa P75 million nga campaign contribution sa eleksyon 2025.
