Masinadyahon nga ginpakigbahin sang singer nga si Angeline Quinto matapos mabaton ang iya diploma sang nakatapos sa kurso nga Bachelor of Science in Business Administration major in Marketing Management.
Suno sa singer-actress, ginsikreto sini ang iya academic journey bilang surpresa sa iya nga pamilya.
Pahayag sini, wala sang ginapili nga edad ang pagtuman sang mga handum, kag bisan wala na ang iya Mama Bob, ginpadayon niya ang iya nga goal sa kabuhi.
Ginpakigbahin man sini ang kabudlayan kaangay sang pagbalanse sang iya pag-eskwela, trabaho, kag pagbusong.
Excited man si Angeline sa masunod nga bahin sang iya karera kaangay sang iya plano sa concert, acting projects, kag bag-o nga original music lakip na ang original soundtrack (OST) para sa upcoming series.
