Nag-deactivate sang iya social media account ang Filipino-American pageant titleholder nga si Brandon Espiritu matapos makabaton sang grabe nga bashing sa social media bangud sang iya kontrobersyal nga pahayag bahin sa mga “halfies” ukon mixed-race Filipino contestants.
Nagrepresentar si Espiritu sa Pilipinas sa 2024 Mister Supranational sa Poland kag nagtapos bilang second runner-up, ginkwenstyon siya matapos niya sabton ang isa ka netizen nga nagpamangkot ngaa wala siya nagkanta sang Tagalog nga kanta.
Sa iya sabat, ginpahayag niya nga kulang suno pa ang kahigayunan sang Pilipinas sa international stage kun wala ang mga “halfies.”
Nagdamo ang negatibo nga reaksyon halin sa mga pageant fans kag netizens, nga nagsiling nga ang iya pahayag nagapaminsar nga mas labaw ang mixed-race contestants kumpara sa full-blooded Filipinos.
Antes niya gin-deactivate ang iya account, nagnubo man ang iya followers halin sa masobra 214,000 pakadto sa mga 198,000.
Nalakip man sa isyu ang Fil-Am pageant titleholder nga si Jether Palomo matapos ang iya komento bahin sa iya katutom sa bandera sang Estados Unidos.
Ang isyu nagtuga sang mas madalom nga diskusyon online bahin sa mga “halfies” nga nagarepresentar sa Pilipinas sa international pageants.
Lakip sa mga personalidad nga nagpaguwa sang opinion sa kontrobersiya amo sanday Wynwyn Marquez, CJ Opiaza, Gazini Ganados kag Stacey Gabriel.
