Nag-abot na sa Pilipinas ang 21,000 metric tons sang liquefied petroleum gas (LPG) nga ginbakal sang gobyerno sa idalom sang Emergency Energy Security Program sang Department of Energy (DOE).
Ang shipment nga halin sa Texas, USA nagdungka sa Calaca, Batangas kag ginbakal sang Philippine National Oil Company (PNOC) paagi sa Trafigura Pte. Ltd.
Suno sa DOE, ang LPG cargo may 50 porsyento nga propane kag 50 porsyento nga butane nga magabulig sa pagpalig-on sang reserba sang LPG sang pungsod kag paglikaw sa kakulangan sang suplay.
Bangud sini, nagsaka na sa halos 42 ka adlaw ang LPG inventory sang Pilipinas, mas mataas sa minimum requirement nga pito ka adlaw.
Apang, nagapabilin nga mataas ang presyo sang LPG sa merkado, nga nagalab-ot sa sobra P1,700 ang isa ka 11-kilo nga tangke.
