Madamo nga mga salakyan, lakip na ang mga fuel tanker kag trak, ang ginsunog malapit sa Bamako samtang ginpabaskog sang jihadist group nga Jama’at Nusrat al-Islam wal-Muslimin ang ila blockade sa kapital sang Mali.
Ginpanaog anay ang mga drayber kag pasahero antes ginsunog ang mga salakyan, kag wala naman sang may napatay suno sa report.
Nag-umpisa ang blockade sang nagligad nga tuig kag mas ginpabaskog pa matapos ang mga pag-atake sa Bamako sang nagligad nga bulan, nagatinguha nga untaton ang suplay sang gasolina kag pahuyangon ang militar nga gobyerno sang Mali nga ginapamunuan ni Assimi Goïta.
Bangud sini, nagtuga sang krisis sang pagsaka pagkadelatar sa transportasyon, kag kakulangon sang suplay antes sang selebrasyon sang Islamic holiday nga Eid al-Adha.
Suno sa mga nagabaligya sang sapat, madamo nga mga kasapatan ang indi na madala sa kapital bangud sang kakulangon sa seguridad, gani nagmahal ang presyo sang karnero para sa madamo nga pamilya.
Bisan pa may suporta halin sa mga Russian mercenaries, padayon nga naga-antos ang junta sang Mali sa pagpugong sang epekto tuga sang mga Islamist kag separatist nga grupo, samtang padayon nga indi matinlo kag indi stable ang dako nga bahin sang norte kag sidlangan sang pungsod.
