Posible nga direkta nga may kahilbatanan ang bag-o nga Supreme Leader sang Iran nga si Mojtaba Khamenei, bata sang nagtaliwan nga lider nga si Ali Khamenei, sa pagplano sang stratehiya sang Iran sa kinagamo kag sa negosasyon agud tapuson ang tensyon sa Estados Unidos.
Suno sa intelligence sang US, nagapanguna si Mojtaba Khamenei ang sa diskarte sang Iran sa mga negosasyon para matapos ang gyera nga nagsugod pagkatapos sang mga pag-atake sang US kag Israel.
Bisan pa nga ginadeskripsyon si Mojtaba bilang isa ka “hardliner” ukon may mabaskog nga panindugan nga nagapahanumdom batok sa mga base militar sang US, ginakilala man siya bilang yawe sa pag-apruba sang bisan ano nga “ceasefire proposal” ukon kasugtanan para untatan ang gyera.
Bisan pa Supreme Leader si Mojtaba, may mga report nga ang matuod nga gahum yara sa Islamic Revolutionary Guard Corps (IRGC) kag ang iya papel posible limitado lang ukon simboliko sa pila ka aspeto.
